PASRAH PENGANTEN

Assalamu’alaikum wr. wb.

Nuwun, para sesepuh aji sepuh ingkang satuhu pana ing pamawas saha lebda ing pitutur, igkang hanggung mastuti pepoyanging kautaman, ingkang dahat kinabekten, para pangembat pangembating praja, bapa pangarsadesa miwah para pamong ingkang satuhu sinudarsana, para tamu kakung miwah putri ingkang satuhu pantes sinugata ing pakurmatan.

Lunimtuning pudyastawa saking gusti ingkang maha agung, ambabar daya pangaribawa ingkang cumandhuk dhumateng para kawula dasih kacihna pisowan kula sakanca kapareng kajangkung dumugi ing papan mriki kanthi widada nir ing sambikala, ingkang punika keparenga kula atur puja puji sasanti: Alhamdulillahirobbil ‘alamin.(tahmid)

Salajengipun matur gunging panuwun dumateng kadang panatacara ingkang sampun paring palilah wekdal dumateng kula.

Hanamung saderengipun tuhu linepatna ing deduka miwah tinebihna ing saliring sesendhu dene kula sampun kumawi cumanthaka lumarap matur wonten ngarsa panjenengan sedaya satemah anggempil kamardikan panjenengan anggenya wawan sabdha. Nuwun inggih labet kula nyendikani dawuh pangadikanipun bp………. Ingkang supados hanyulihi matur wonten ing ngarsa panjenengan sedaya.

Mirunggan katur panjenengan bp……….miwah baraya agung. Ingkang sepisan kula kinen hangaturaken sembah sungkem katur para pepundhen, pinisepuh myang sesepuh tuwin salam taklim katur panjenenganipun bp…………miwah baraya agung kanthi kula ucapaken ASSALAMU’ALAIKUM.

Salajengipun pisowan kula sakadang kinen hanglarapaken sowanipun penganten kakung, nuwun inggih pun bagus……

Manawi sakawit panyuwun bp……..…mugi pun bagus……..…..kadhaupaken kaliyan nimas ayu……….putrinipun bp………….

Ing ari kalenggahan punika sampun kaleksanan kanthi upacara ingkang sakalangkung edipeni, andadosaken bombonging manah bp………ingkang punika namung saged ngaturaken agunging panuwun ingkang tan saged cinitra ing ukara. Mugi lubering sih kadarman bp……….punika pikantuka lelintu ingkang satraju saking gusti ingkang maha agung dhestun hanglangkungana.

Hamung kewala mugi andadosna kawuningan tuwin boten andadosaken kuciwaning penggalih, awit dene pun bagus nadyan tata gelar katingal sampun dewasa pantes lamun amangun bale wisma, hananging yektosipun tasih cubluk ing samudayanipun, unggah ungguh, tata krami napa malih suba sita ing bebrayan tasih sanget kabodhon.

Ewa semanten panyuwun saking Bp………………..keparenga katampiyo pinangka putra pribadi, keparenga panjenenganipun Bp………………….paring pitedah panggulawentah, murih saged netepi darma utama.

Bp………………ugi hamasrahaken penganten kakung dumateng kukubaning bebrayan ing mriki, tinampia dados warganing bebrayan, sahingga pikantuk pambyantu, saha pangayoman samurwatipun. Makaten ugi tansah pinarenggana pitedah. Panyaruhe, hambok bilih wonten tindak tanduk ingkang nyebal saking pahugeraning gesang bebrayan.

Ingkang punika katur para sesepuh pinisepuh kula nyuwunaken tambahing pandonga pamuji mugi panganten sarimbit sagedo manggih kamulyan ing gesang bebrayanipun.

Ing wasana, cupet ceweting atur, kirang trapsila miwah subasita pisowan kula sakadang wonten pahargyan ingkang sakalangkung edipeni punika keparenga panjenenganipun

Bp……………..miwah baraya agung angluberna sih samudra pangaksama.

Pungkasing atur billahi taufik wal hidayah WASSALAMU’ALAIKUM WR WB.

DOWNLOAD file klik DISINI

PAMBUKO YASINAN

ASSALAMU’ALAIKUM WAROHMATULLAHIWABAROKATUH

Bismillahirokhmanirrohiim

Alkhamdulillahirobbil’alamin Wabihi nasta’inu ‘ala umuri dunya waddin,Syayidina Wa habibina Wa syafi ina Wa quroti a’yunina Wa maulana Muhammadin, Wa’ala Alihi Wa ashabihi Ajma’in Amma Ba’du.

Dumateng jamaah yasin soho tahlil ingkang dahat kinurmatan, ingkang sepisan sumonggo kito tansan ngunjuaken raos syukur wonten ngarso dalem Allah SWT, ingkang sampun paring kesarasan soho kenikmatan,saenggo kito sedoyo waged ninda’i giliran yasinan ingkang wanci ndalu puniko dumawah wonten dalemipun Bpk/Ibu . ………………

Pujo-puji sasanti sumonggo sesarengan kito ikroraken kanthi waosan TAHMID………

ALKHAMDULILLAHIROBBIL ‘ALAMIN.

Allahumma Sholi ’Ala Muhammad Wa ’Ala ’Ali Syayidina Muhammad…

Sholawat soho salam mugi katur wonten junjungan Nabi Agung Muhammad SAW ingkang kito antu-antu syafaatipun benjang wonten ing yaumul qiyamah , Allahumma amin…….

kulo minongko pranoto acoro badhe maosaken susunan acoro ing dalu puniko :

Ø Wondene acoro ingkang sepisan pambuko.

Ø Ingkang kaping kalih yasin soho tahlil ,ing samangke badhe dipun ayahi panjenenganipun  Bpk …………………………soho Do’a nipun panjenenganipun Bpk …………………………………….

Ø Wondene Ingkang ongko tigo utawi pungkasan inggih puniko lain-lain utowo panutup.

Makaten reroncening adicoro ingkang badhe kito lampahi samangke, gegandengan wedal sawetawis dalu sumonggo acoro ing dalu puniko kito bikak kanthi waosan syahadat, sholawat lan istigfar kaping tigo, kalajengaken waosan umul kitab…

Liridho illahita’ala wali syafaati rosulillahi sholallahu’alaihi wasalam, al fatihah………

Maturnuwun waosan-waosan kolowau mugi-mugi waged bukak manah ugi ngandhelaken iman islam kito sedoyo lan Allah paring ridho punopo ingkang badhe kito lampahi.

Saklajengipun Yasin soho Tahlil kulo aturaken dumateng panjenenganipun Bpk………………………kalajengaken Do’a nipun panjenenganipun Bpk…………………

(Ananging sakderengipun yasin soho tahlil kito wiwiti,langkung rumiyin kulo sumanggaaken dumateng panjenenganipun Bpk……………kersoho paring pituah-pituah utawi kultum rumiyin,sumonggo wedal kulo aturaken sakcekapipun.)

Maturnuwun waosan Yasin soho Tahlil kolowau, mugi-mugi saged dados amal kesaenan kito sedoyo lan ugi dipun tampi dening Allah SWT,Allahumma amin…….

     Wondene ingkang pungkasan inggih puniko lain-lain, wedal kulo aturaken dumateng jama’ah, sumonggo………………….

PENUTUP

Maturnuwun dumateng shohibuol hajat ingkang sampun paring papan soho pasugatan ingkang sampun kito resepi kanthi eco soho sekeco, mugi-mugi andadosno amal ingkang barokah dunyo dumugi akhirat samangke, ugi kulo minongko talanging atur saking jama’ah yasin nyuwun gunging pangaksomo dumateng shohibul hajah tumrap sedoyo kekiranganipun. Gegandengan acoro sampun kalaksanan sedoyo sumonggo yasin soho tahlil puniko kito tutup kanthi waosan do’a tutup majlis kaping tigo……………

SUBHANAKALLAHUMMA WABIKHAMDIKA ASYHADUANLAILAHAILLAANNTA ASTAGFIRUKA WA ATUBU ILAIK

Cekap semanten atur kulo mbok bilih wonten kirang langkung anggen kulo matur wiwit awal dumugi akhir, keparengo jama’ah yasin ngluberno sih samudro pangaksomo,

Bilahitaufik wal hidayah

WASSALAMU’ALAIKUM WAROHMATULLAHI WABAROKATUH

DOWNLOAD file klik DISINI

PANAMPINENG TEMANTEN

Assalamualaikum Wr.wb

     Matur nuwun dumaten pranoto adicoro ingkang sampun kerso maringi wekdal dateng kulo
Nuwun dumateng sagunging poro rawuh kakung soho putri , ugi poro sesepuh tuwin
pinisepuh langkung – langkung dumateng bapak – bapak pangemban pangembating projo.
Langkung rumiyin kulo muji syukur wonten ngerso dalem ALLAH SWT dene – dene
pepanggihan kulo lan panjenengan ing wekdal dinten meniko tansah pinaringan wilujeng.
Bapak – bapak soho poro rawuh ingkang minulyo, perlu kawuningan bilih ade’k kulo ing
mriki sak perlu minangkani pamundut kersanipun Bapak...............................tiyang sak
keluargo, langkung rumiyin Bapak..............tiyang sak keluargo ngaturi sugeng rawuh dumateng panjenengan sedoyo soho tamu utusan sak pengombyongipun, kejawi sangking meniko kulo ingkang kajibah hanampi wujuding ponang temanten kakung kolo wau sampun kulo tampi kanti gembiraning manah, ugi kintunan salam ta’limipun saking panjenenganipun
Bapak.........................sampun kulo tampi kanti renaning manah ugi kulo ikroraken kanti WA'ALAIKUM SALAM WARAHMATULLAHI WABAROKATUH.
Sak wangsulipun sederek duto, sak konduripun panjenengan sedoyo sak mangkeh
kersoho hangaturaken sembah sungkemipun bapak.........................tiyang sak keluargo mugi
kunjuk wonten ngersanipun bapak..................tiyang sak keluargo.
Poro adi lenggah, kulo kinten cekap semanten ingkang dados atur kulo, mbok bilih
wonten kirang langkung anggen kulo matur keparengo sagung poro rawuh ngluberino sih samudro pangaksami.

Minongko purnaning atur billahi taufik wal hidayah, Wassalamualaikum Wr.Wb
Wekdal soho panggenan kulo aturaken dumateng pranoto adicoro.Nuwun....

DOWNLOAD file klik DISINI

PRANOTO ADICORO

Assalamu’alaikum wr.wb

Nuwun kulonuwun.

Poro sesepuh soho pinisepuh ingkang hanggung mastuti dating pepoyaning kautaman, poro pangemban pangembating projo ingkang kinaryo pangayomaning kawulo dasih.

Poro adi lenggah ingkang pantes ing tuhu sinukarto,sumonggo kito ngunjukaken puji syukur ing sahandap pepodaning gusti ingkang akaryo jagad, dene sampun kepareng hangluberaken kekiyatan soho kawilujengan, satemah, kito waget kempal manunggal ing panti pahargyan wanci meniko, kanti winantu ing suko basuki.

Sholawat soho salam mugi katur dhumateng junjungan nabi agung Muhammad SAW, ingkang kito antu-antu syafaatipun benjang wonten ing yaumul qiyamah, Allahumma Amin………..

Sak lajengipun, tuhu linepatno ing deduko, tinebihno ing salwiring sesendhu, dene kulo cumantoko lumarap atur, satemah hangirangi kamardikan panjenengan sedoyo, anggenyo nembe eco mawan sabdo.

Sangyo adi lenggah ingkang minulyo ing budi, wondene reroncening adicoro ingkang badhe katur makaten :

► Titilaksono ingkang sepisan njih meniko pambagyo harjo

► Kalajengaken adicoro kaping kalih, kumandanging wahyu suci Al qur’an

► Adicoro kaping tigo njih meniko panyerahaning temanten

► Dumawah penampining temanten  minongko titilaksono kaping sekawan

► Hastungkoro ngancik adicoro kaping gangsal

► Wondene panutuping acoro dumawah reroncening adicoro ingkang kaping enem

Makaten menggah reroncening adicoro ingkang badhe hangrenggani wiwahan meniko;
►Titilaksono ingkang ongko sepisan atur pambagyo harjo ingkang badhe katur lumantar juru wicoro, pramilo sumonggo dumateng panjenenganipun bp………………..pinongko sesulihipun, wekdal soho panggenan kulo aturaken

►Wondene adicara ingkang ongko kalih njih meniko kumandanging wahyu suci Al qur’an, ingkang badhe katur bp………………………wekdal soho panggenan kulo aturaken.

Makaten atur pambagyo harjo saking juru wicaranipun shohibul hajat.

►Ngancik adicoro ingkang tigo nwun inggih panyerahaning temanten, dumateng panjenenganipun duto saking bp…………………wekdal kulo aturaken.

Makaten atur panyerahaing temanten saking panjenenganipun duto pangarso ingkang sampun dipun aturaken kanti toto ,titis lan tatas pangandikanipun.

►Tumapa’ing adicoro ingkang ongko sekawan, panampining temanten, ingkang badhe katur panjenenganipun bp………………..sumonggo wekdal kulo aturaken.

Makaten wau atur panampining temanten saking panjenenganipun bp……………….

►Hastungkoro katur panjenenganipun bp………………nggempil reroncening adicoro ingkang kaping gangsal. Dumateng panjenenganipun bp…………………..wekdal kulo aturaken,sumonggo……

Matur gunging panuwun dumateng panjenenganipun bp……………….ingkang sampun paring dedongo,mugi temanten kekelih tansah pinaringan wilujeng kalis ing sambikolo lan saged atut runtut rerentengan dumugi kaken-kaken lan ninen-ninen.kanthi lestari widodo,mulyo ing suko rahayu.

►Kanthi paripurnaning atur dedongo, kalajengaken adicoro ingkang pungkasan, nwun inggih panutup, ingkang sakmangke badhe kulo ayahi piyambak.

Poro adilenggah ingkang dahat kinurmatan, kerono kabekto saking sanget bingahing manah bp…………………sagotrah, hanglenggono, bilih upocoro pahargyan ingkang edi meniko, taksih kathah kalepatanipun, satemah damel kucem kuciwaning manah, ingkang meniko, dumateng sagung poro rawuh langkung-langkung dumateng panjenenganipun bp……………….sagotrah, mugi keparengo angluberno samudro pangaksamo.

Makaten ugi kulo pribadi ingkang tansah tinanggenah, kinaryo talanging atur bp………………tyang sakluargo, soho poro kadang anggen leladi dumateng panjenengan sedoyo, kirang trapsilanipun, ingkang mboten saged anuju dumateng renaming penggalih poro rawuh sedoyo, pramilo kulo sakadang tansah anyadong rumentahingsih samudro pangaksami.

Minongko panutuping atur keparengo kulo lengser saking ngarso panjenengan sedoyo.

Wabillahitaufik wal hidayah wassalamu’alaikum wr.wb

DOWNLOAD file klik DISINI

PAMBAGYO HARJO

ASSALAMU'ALAIKUM WR.WB.

Alkhamdulillahirobil'alamin wabihinasta'inu ala umuridunya wadin,washolatu wassalamu 'ala asrofil ambya'i wal mursalin syayidina wa habibina wa syafi'ina waquroti a'yunina wa maulana muhammadin wa ala alihi washohbihi ajma'in ama ba'du.

• Dumateng para sesepuh, pinisepuh miwah ajisepuh ingkang satuhu kinabekten....
• Dumateng para pangemban pangembating praja ingkang tuhu pantes sinudarsana...
• Sagung para rawuh kakung sumawana putri ingkang sinugatha ing pakurmatan....

     Lumintuning pudyastawa saking gusti ingkang maha asih, ambabar daya pangaribawa ingkang cumandhuk dateng para kawula dasih, kacihna ing salebeting kalenggahan punika kita waged pepanggihan ing panti pahargyan punika kanthi wilujeng kalis ing sambikala, puja-puji sasanthi sumangga kita ikraraken kanthi waosan tahmid...ALKHAMDULILLAHIROBIL'ALAMIN....

     Shalawat saha salam mugi katur wonten junjungan nabi agung Muhammad SAW ingkang kita antu-antu syafaatipun benjang wonten ing yaumul kiyamah....Allahumma Amin...

Nuhoni pamundhutipun Bopo.....................ingkang ing wanci  punika hamengku gati netepi darmaning ngasepuh,  amiwaha putra putrinipun ingkang sesilih nimas ayu............................apalakrama kaliyan bagus...........................atmaja kakungipun Bopo........................ingkang pidalem ing.....................

wondene ijab lan qobulipun sampun kaleksanan tabuh..........kanthi widodo nir ing sambikala.

     Kula kadawuhan matur ing ngarsa panjenengan sedaya, njih awit saking bombong saha bembenging penggalihipun, panjenenganipun Bopo...............................mboten kuwawi sowan matur ing ngarsa panjenengan sedoyo ingkang wose badhe ngaturaken prentuling penggalihipun, pramila keparengo kula ingkamg matur pinangka sesulihipun.

     Para rawuh ingkang minulya, sinartan sinukartaning panembrana keparenga kulo ngaturaken sugeng basuki sa rawuh panjenengan sinartan agunging panuwun ingkang tanpa pepindan, dene-dene panjenengan sedaya sampun kepareng paring idi pangestunipun dumatheng temanten kekalih.

panjeneganipun Bopo........................ugi ngaturaken gunging panuwun dumateng panjenengan sedaya ingkang sampun kepareng paring tanda tresna miwah pambyantu ingkan awujud punapa kemawon, bahu suku, bondho beyo serta iguh pratikel, menika sedaya tuhu damel mongkok saha bombonging manah.

panggrantesing manah panjenenganipun Bopo....................sagotrah hamung nyuwun dumateng gusti ingkang maha agung, mugi lubering sih kadarman panjenengan sedaya pikantuka lelintu ingkang satraju destum hanglangkungana.

     Para rawung ingkang minulya, sakpunika penganten kekalih sampun kula sowanaken wonten ngarsa panjenengan sedaya, saperlu kula suwunaken tambahing pangestu wilujeng mugi-mugi anggenipun jejodohan samangke sagedo atut runtunt rerentengan lestari widodo mulyo ing suko rahayu.

ing wasana panjenenganipun Bopo.........................ugi ngaturaken gunging pangaksama tumrap sedaya kekirangan ing panti pahargyan punika,ceweting aruh pilenggahan serta pasugatan ingkang tan saged mangun suka renaning penggalih panjenengan sedaya keparenga sagung para rawuh ngluberna sih samudra pangaksami.

      Pungkasing atur tan jangkeping trapsila miwah subasita tumpang suh pangrakiting basa miwah ukara anggen kula matur wiwit purwa,madya dumugi wasana keparenga kula tansah anyadhong rumentahing pangaksama.

Akhirusalam Wabillahitaufik wal hidayah Wassalamu'alaikum Wr.Wb.

wekdal saha panggenan kula aturaken dhumateng panata adicara,nuwun....

DOWNLOAD file klik DISINI